କ୍ରିକେଟରୁ ସନ୍ୟାସ ନେଲେ ୨୨ ବର୍ଷୀୟ ଷ୍ଟାର କ୍ରିକେଟର ଆର୍ଯ୍ୟମାନ ବିର୍ଲା ।

ସଚିନ ତେନ୍ଦୁଲକର, ମହେନ୍ଦ୍ର ସିଂ ଧୋନି ଏବଂ ବିରାଟ କୋହଲିଙ୍କ ତୁଳନାରେ ଆର୍ଯ୍ୟମାନ ବିର୍ଲାଙ୍କ ସଂପତ୍ତି ଅଧିକ । ଆର୍ଯ୍ୟମାନ ବିର୍ଲାଙ୍କ ସଂପତ୍ତି ୭୦,୦୦୦ କୋଟିରୁ ଅଧିକ । ଆଦିତ୍ୟ ବିର୍ଲା ଗ୍ରୁପର ଚେୟାରମ୍ୟାନ କୁମାର ମଙ୍ଗଳମ ବିର୍ଲାଙ୍କ ପୁଅ ଆର୍ଯ୍ୟମାନ ୨୦୧୭-୧୮ରେ ରଣଜୀରେ ଡେବ୍ୟୁ କରିଥିଲେ । ୨୦୧୮ରେ ଆଇପିଲରେ ରାଜସ୍ଥାନ ରୟାଲ୍ସ ୩୦ ଲକ୍ଷ ଟଙ୍କାରେ କିଣିଥିଲା ।

ଆର୍ଯ୍ୟମାନ ୯ଟି ପ୍ରଥମ ଶ୍ରେଣୀ ମ୍ୟାଚ ଖେଳିଛନ୍ତି । ସେ ୪୧୪ ରନ କରିଛନ୍ତି । ତାଙ୍କ ନାମରେ ଗୋଟିଏ ଶତକ ଏବଂ ଗୋଟିଏ ଅର୍ଦ୍ଧଶତକ ମାରିଛନ୍ତି ।  ଘରୋଇ କ୍ରିକେଟରେ ଭଲ ଖେଳିଥିବା ଆର୍ଯ୍ୟମାନ ୨୦୧୯ରେ ବ୍ୟକ୍ତିଗତ କାରଣ ଯୋଗୁଁ କ୍ରିକେଟରୁ ଦୂରେଇ ଥିଲେ । ଦୁଇଟି ସିଜିନ ରାଜସ୍ଥାନ ରୟାଲ୍ସ ସହିତ ରହିବା ପରେ ମଧ୍ୟ ଡେବ୍ୟୁ କରିପାରିନଥିଲେ । ଏହାପରେ ତାଙ୍କୁ ଫ୍ରାଞ୍ଚାଇଜ ରିଲିଜ କରିଦେଇଥିଲା ।