ଅମିତ ଶାହା :ଝାଡ଼ଖଣ୍ଡରେ ବିଜେପି ସରକାର ଆସିଲେ ଲାଗୁହେବ ୟୁସିସି ।

ଝାଡଖଣ୍ଡ ନିର୍ବାଚନ ପାଇଁ ସରଗରମ ରାଜନୀତି । ରାଞ୍ଚିରେ ପହଞ୍ଚି ନିର୍ବାଚନୀ ଇସ୍ତାହାର ଜାରି କରିଛନ୍ତି ଗୃହମନ୍ତ୍ରୀ ଅମିତ ଶାହା । ବିଜେପି ସରକାର ଗଠନ କଲେ ରାଜ୍ୟରେ ୟୁସିସି ଲାଗୁ ସହ ପେପର ସ୍କାମର ତଦନ୍ତ  କରାଯିବ ବୋଲି ବିଜେପି ପ୍ରତିଶ୍ରୁତି ଦେଇଛି ।

ସେହିପରି ନିର୍ବାଚନୀ ଇସ୍ତାହାରରେ ବିଜେପି ୨୫ଟି ପ୍ରତିଶ୍ରୁତି ଦେଇଛି । ମୁଖ୍ୟତଃ ଭାବେ ଗୋଗୋ ଦିଦି ଯୋଜନାରେ ମହିଳାଙ୍କୁ ପ୍ରତ୍ୟେକ ମାସରେ ୨୧ ଶହ ଟଙ୍କା, ଆୟୁଷ୍ମାନ ଯୋଜନାରେ ୧୦ଲକ୍ଷ ଟଙ୍କା ମାଗଣା ଚିକିତ୍ସା, ୫ ବର୍ଷରେ ୫ଲକ୍ଷ ଯୁବକଙ୍କୁ ଚାକିରି ଦେବାକୁ ବିଜେପି ଘୋଷଣା କରିଛି ।