ଭାରତ- ନ୍ୟୁଜିଲାଣ୍ଡ ପୁଣେ ଟେଷ୍ଟ, ନ୍ୟୁଜିଲାଣ୍ଡକୁ ୨୫୯ରେ ଅଟକାଇଲେ ସୁନ୍ଦର

ପ୍ରଥମ ଦିନରେ ଟସ ଜିତି ନ୍ୟୁଜିଲାଣ୍ଡ ବ୍ୟାଟିଂ ନିଷ୍ପତ୍ତି ନେଇଥିଲା । ଫଳରେ କିୱି ଦଳ ପ୍ରଥମ ଇନିଂସରେ ୨୫୯ ରନରେ ଅଲଆଉଟ ହୋଇଛି । ୱାଶିଂଟନ ସୁନ୍ଦରଙ୍କ ଘାତକ ବୋଲିଂ ଯୋଗୁ ଦ୍ୱିତୀୟ ଟେଷ୍ଟରେ ଟସ୍ ଜିତି ପ୍ରଥମେ ବ୍ୟାଟିଂ କରୁଥିବା ନ୍ୟୁଜିଲାଣ୍ଡ ପ୍ରଥମ ଇନିଂସରେ ୨୫୯ ରନରେ ଅଟକି ଯାଇଛି ।

କିୱି ଦଳ ଅଲଆଉଟ ହେବା ପରେ ଭାରତ ବ୍ୟାଟିଂ ଆରମ୍ଭ କରିଛି । ଭାରତ ଷ୍ଟମ୍ପ ଆଉଟ ବେଳକୁ ୧୬ ରନରେ ୧ ୱିକେଟ ହରାଇଛି । ଅଧିନାୟକ ରୋହିତ ଶର୍ମାଙ୍କୁ ଆଉଟ କରିଛନ୍ତି ଟିମ୍ ସାଉଦି ।

ପୁଣେ ଟେଷ୍ଟ ପୂର୍ବରୁ ଭାରତୀୟ ଦଳ ପ୍ଲେଇଂ ଏକାଦଶରେ ପରିବର୍ତ୍ତନ କରିଥିଲା । କେଏଲ ରାହୁଲ, କୁଲଦୀପ ଯାଦବ ଏବଂ ସିରାଜଙ୍କ ବଦଳରେ ଟିମରେ ଶୁବମନ ଗିଲ୍, ଆକାଶଦୀପ ଏବଂ ୱାଶିଂଟନ ସୁନ୍ଦରଙ୍କୁ ସ୍ଥାନ ମିଳିଥିଲା । ଆଉ ଆଜିର ମାଚରେ କମାଲ୍ କରିଛନ୍ତି ୱାଂଶିଟନ ସୁନ୍ଦର ।

ଆଜି ପ୍ରଥମ ଦିନରେ କ୍ବିୱି ଦଳ ବ୍ୟାଟିଂ କରିବାକୁ ଆସିଥିବା ବେଳେ ରବିଚନ୍ଦ୍ରନ ଅଶ୍ବିନ ଏବଂ ୱାଂଶିଟନ ସୁନ୍ଦରଙ୍କ ବୋଲିଂ ଆଗରେ ଧରାଶାୟୀ ହୋଇଛନ୍ତି । ସୁନ୍ଦର କିୱି ଦଳର ୭ଟି ୱିକେଟ ନେଇଥିବା ବେଳେ ଅଶ୍ବିନ ୩ଟି ୱିକେଟ ନେଇଛନ୍ତି ।

ନ୍ୟୁଜିଲାଣ୍ଡ ଅଧିନାୟକ ଟମ ଲାଥମ ଏବଂ ଡିଭନ୍ କନୱେଙ୍କ ସମେତ ୱିଲଇ ୟଙ୍ଗଙ୍କ ଆଉଟ କରି ଅଶ୍ୱୀନ ଭାରତୀୟ ଦଳକୁ ଏକ ଦମଦାର ଆରମ୍ଭ କରାଇଥିଲେ । ଟିମ ପାଇଁ ଡେଭନ କନୱେ ସର୍ବାଧିକ ୭୬ ରନ କରିଥିବା ବେଳେ ପ୍ରଥମ ଟେଷ୍ଟର ହିରୋ ରଚିନ ରବୀନ୍ଦ୍ର ୬୫ ରନର ଇନିଂସ ଖେଳିଛନ୍ତି ।