ରାଜ୍ୟ ବାହାକୁ ଯିବ ଓମଫେଡ୍‌ ଘିଅ, ଚକୋଲେଟ ଓ ପାଣି ବୋତଲ

ପୁରୀ  ଜଗନ୍ନାଥ ମନ୍ଦିରରେ କେବଳ ଓମ୍‌ଫେଡ୍‌ ଘିଅ ଲାଗି ହେବା ପାଇଁ ନିଷ୍ପତ୍ତି ହେବା  ପରଠାରୁ ଏହାର ବିକ୍ରି ବହୁ ଗୁଣରେ ବୃଦ୍ଧିପାଇଛି । ଏବେ ହାରାହାରି ମାସିକ  ୧୩୫ ମେଟ୍ରିକ୍‌ ଟନ୍‌ ଓମ୍‌ଫେଡ୍‌ ଘିଅ ବିକ୍ରି ହେଉଛି । ଅର୍ଥାତ୍‌ ଦୈନିକ ହାରାହାରି  ୪.୫ ମେଟ୍ରିକ୍‌ ଟନ୍‌ ଘିଅ ବିକ୍ରି ହେଉଛି ।

ଗତ ଅକ୍ଟୋବର ମାସରେ ୧୮୫.୬୩  ମେଟ୍ରିକ୍‌ ଟନ୍‌ ଘିଅ ବିକ୍ରି ହୋଇଥିବା ଓମ୍‌ଫେଡ୍‌ ପରିଚାଳନା ନିର୍ଦ୍ଦେଶକ ବିଜୟ  ଅମୃତା କୁଲାଙ୍ଗେ କହିଛନ୍ତି । ଓମ୍‌ଫେଡ୍‌ ଘିଅର ଚାହିଦା ହଠାତ୍‌ ବୃଦ୍ଧି ପାଇବାର  ପ୍ରଥମ କାରଣ ହେଲା ଏହା ଏକ ସରକାରଙ୍କ ନିୟନ୍ତ୍ରଣାଧୀନ ସମବାୟ ସଂସ୍ଥା।  ତେଣୁ ଏଥିରେ ଅପମିଶ୍ରଣ ହେବାର କୌଣସି ସମ୍ଭାବନା ନାହିଁ ।

ସେଥିପାଇଁ  ଲୋକମାନଙ୍କର ଅତୁଟ ଭରସା ରହିଛି । ଦ୍ୱିତୀୟ କାରଣ ହେଲା ଓଡ଼ିଆ ଅସ୍ମିତା  ସହ ଓମ୍‌ଫେଡ୍‌ ଜଡ଼ିତ । କାରଣ ଏଥିରେ ଓଡିଶାର ଲକ୍ଷ ଲକ୍ଷ ଦୁଗ୍ଧଚାଷୀଙ୍କ  ସଂପୃକ୍ତି ରହିଛି । ସେମାନଙ୍କ ଦ୍ୱାରା ଓମ୍‌ଫେଡ୍‌କୁ ଦିଆଯାଉଥିବା ଖାଣ୍ଟି କ୍ଷୀରରୁ  ଏହି ଗୁଆଘିଅ ପ୍ରସ୍ତୁତ ହେଉଛି ।

ଗତ ଅକ୍ଟୋବର ୨ ତାରିଖରୁ ପ୍ରଭୁ ଜଗନ୍ନାଥଙ୍କ  ନିକଟରେ କେବଳ ଓମ୍‌ଫେଡ୍‌ ଘିଅ ହିଁ ଲାଗି ହେଉଛି । ଆବଶ୍ୟକ ହେଲେ  ଓମ୍‌ଫେଡ୍‌ ଘିଅ ଉତ୍ପାଦନ କ୍ଷମତା ବୃଦ୍ଧି କରାଯିବ ବୋଲି କହିଛନ୍ତି ଶ୍ରୀ କୁଲାଙ୍ଗେ ।