ଚାମ୍ପିଅନ୍ସ ଟ୍ରଫି ୨୦୨୫ ପାଇଁ ଫ୍ୟାନ୍ସଙ୍କୁ ଲୁଟିବ ପାକିସ୍ତାନ କ୍ରିକେଟ ବୋର୍ଡ, ସବୁଠାରୁ ଶସ୍ତା ଟିକେଟ ବି ମହଙ୍ଗା

ଚାମ୍ପିଅନ୍ସ ଟ୍ରଫି ୨୦୨୫ ଖୁବଶୀଘ୍ର ପାକିସ୍ତାନରେ ଆରମ୍ଭ ହେବାକୁ ଯାଉଛି । ଫେବୃଆରୀ ୧୯ରୁ ଆରମ୍ଭ ହେବାକୁ ଥିବା ଟୁର୍ଣ୍ଣାମେଣ୍ଟ ଗତ ୨୯ ବର୍ଷ ମଧ୍ୟରେ ପାକିସ୍ତାନରେ ଅନୁଷ୍ଠିତ ହେବାକୁ ଥିବା ପ୍ରଥମ ଆଇସିସି ଇଭେଣ୍ଟ ହେବ । ଟୁର୍ଣ୍ଣାମେଣ୍ଟରେ ୮ଟି ଟିମ୍ ଭାଗ ନେବେ । ପାକିସ୍ତାନର ଲାହୋର, କରାଚୀ ଏବଂ ରାୱଲପିଣ୍ଡିରେ ଅନୁଷ୍ଠିତ ହେବାକୁ ଥିବା ଏହି ଟୁର୍ଣ୍ଣାମେଣ୍ଟ ପାଇଁ ଟିକେଟ୍ ମୂଲ୍ୟ ଘୋଷଣା କରାଯାଇଛି । ତିନୋଟି ଷ୍ଟାଡିୟମ ପାଇଁ ଭିନ୍ନ ଭିନ୍ନ ଦର ରଖାଯାଇଛି ।

ପାକିସ୍ତାନ କ୍ରିକେଟ ବୋର୍ଡ ଚାମ୍ପିଅନ୍ସ ଟ୍ରଫି ମ୍ୟାଚର ପ୍ରାରମ୍ଭିକ ଟିକେଟ ଦାମ୍ ଏକ ହଜାର ପାକିସ୍ତାନୀ ଟଙ୍କା ରହିଛି । ଟିକେଟର ମୂଲ୍ୟ ୬୨୦ ଟଙ୍କାରୁ ୭୭୫୦ ଟଙ୍କା ପର୍ଯ୍ୟନ୍ତ ରହିଛି । ଏହି ଟୁର୍ଣ୍ଣାମେଣ୍ଟର ସବୁଠାରୁ ଶସ୍ତା ଟିକେଟ୍ ଭାରତୀୟ ଟଙ୍କାରେ ମାତ୍ର ୩୧୦ ଟଙ୍କା । ଅନ୍ୟପଟରେ ପାକିସ୍ତାନ କ୍ରିକେଟ୍ ବୋର୍ଡ (ପିସିବି) ସବୁଠାରୁ ମହଙ୍ଗା ଟିକେଟ୍ ୭୭୫୦ ଟଙ୍କା ରଖିଛି, ଯାହା ଭାରତୀୟ ଟଙ୍କାରେ ୫୫୮୦ ଟଙ୍କା ।

ରାୱଲପିଣ୍ଡିରେ ହେବାକୁ ଥିବା ପାକିସ୍ତାନ ଏବଂ ବାଂଲାଦେଶ ମ୍ୟାଚ୍ ପାଇଁ ଟିକେଟର ମୂଲ୍ୟ ୨୦୦୦ ପାକିସ୍ତାନୀ ଟଙ୍କା  ରଖାଯାଇଛି । ଯାହା ଭାରତୀୟ ଟଙ୍କା ୬୨୦ ସହିତ ସମାନ । ପିସିବି ସମସ୍ତ ମ୍ୟାଚ୍ ପାଇଁ ଭିଭିଆଇପି ଟିକେଟର ମୂଲ୍ୟ ପିକେଆର ୧୨,୦୦୦ (୩୭୨୬ ଟଙ୍କା) ରଖିଛି, କିନ୍ତୁ ସେମିଫାଇନାଲ ପାଇଁ ମୂଲ୍ୟ ପିକେଆର ୨୫,୦୦୦ (୭୭୬୪ ଟଙ୍କା) ରହିଛି । ଦର୍ଶକଙ୍କ ପାଇଁ ପିସିବି ୧୮ ହଜାର ଟିକେଟ ରଖିଛି ।

ଭାରତ ଓ ପାକିସ୍ତାନ ମଧ୍ୟରେ ୨୩ ଫେବୃଆରୀରେ ଦୁବାଇରେ ମ୍ୟାଚ ଖେଳାଯିବ । ଟୁର୍ଣ୍ଣାମେଣ୍ଟରେ ଭାରତର ପ୍ରଥମ ମ୍ୟାଚ ବାଂଲାଦେଶ ସହିତ ଦୁବାଇରେ ଖେଳାଯିବ । ଭାରତ ନିଜର ସମସ୍ତ ମ୍ୟାଚ ଦୁବାଇରେ ଖେଳିବ । ଚାମ୍ପିଅନ୍ସ ଟ୍ରଫି ୨୦୨୫ ଫାଇନାଲ ମ୍ୟାଚ୍ ଲାହୋରରେ ଖେଳାଯିବ । ଯଦି ଭାରତ ଫାଇନାଲରେ ପହଞ୍ଚେ ତେବେ ଫାଇନାଲ ଦୁବାଇରେ ଖେଳାଯିବ ।

ଆଇସିସି ପୁରୁଷ ଚାମ୍ପିଅନ୍ସ ଟ୍ରଫି ୨୦୨୫ ଖେଳସୂଚୀ :

୧୯ ଫେବୃଆରୀ: ପାକିସ୍ତାନ ବନାମ ନ୍ୟୁଜିଲାଣ୍ଡ, କରାଚୀ
୨୦ ଫେବୃଆରୀ : ବାଂଲାଦେଶ ବନାମ ଭାରତ, ଦୁବାଇ
୨୧ ଫେବୃଆରୀ : ଆଫଗାନିସ୍ତାନ ବନାମ ସାଉଥ ଆଫ୍ରିକା, କରାଚୀ
୨୨ ଫେବୃଆରୀ :ଅଷ୍ଟ୍ରେଲିଆ ବନାମ ଇଂଲଣ୍ଡ, ଲାହୋର
୨୩ ଫେବୃଆରୀ : ଭାରତ ବନାମ ପାକିସ୍ତାନ, ଦୁବାଇ
୨୪ ଫେବୃଆରୀ : ବାଂଲାଦେଶ ବନାମ ନ୍ୟୁଜିଲାଣ୍ଡ, ରାୱଲପିଣ୍ଡି
୨୫ ଫେବୃଆରୀ: ଅଷ୍ଟ୍ରେଲିଆ ବନାମ ସାଉଥ ଆଫ୍ରିକା, ରାୱଲପିଣ୍ଡି
୨୬ ଫେବୃଆରୀ : ଆଫଗାନିସ୍ତାନ ବନାମ ଇଂଲଣ୍ଡ : ଲାହୋର
୨୭ ଫେବୃଆରୀ :ପାକିସ୍ତାନ ବନାମ ବାଂଲାଦେଶ, ରାୱଲପିଣ୍ଡି
୨୮ ଫେବୃଆରୀ : ଆଫଗାନିସ୍ତାନ ବନା ଅଷ୍ଟ୍ରେଲିଆ : ଲାହୋର
୧ ମାର୍ଚ୍ଚ : ସାଉଥ ଆଫ୍ରିକା ବନାମ ଇଂଲଣ୍ଡ, କରାଚୀ
୨ ମାର୍ଚ୍ଚ : ନ୍ୟୁଜିଲାଣ୍ଡ ବନାମ ଭାରତ, ଦୁବାଇ
୪ ମାର୍ଚ୍ଚ : ସେମିଫାଇନାଲ ୧, ଦୁବାଇ
୫ ମାର୍ଚ୍ଚ : ସେମିଫାଇନାଲ ୨, ଲାହୋର
୯ ମାର୍ଚ୍ଚ : ଫାଇନାଲ, ଲାହୋର/ଭାରତ ଫାଇନାଲକୁ ଗଲେ ଦୁବାଇରେ ହେବ ଖେଳ