ବାରବାଟୀ ପାଇଁ ଆଜିଠୁ ମିଳିବ କାଉଣ୍ଟର ଟିକେଟ କ୍ରିକେଟ ପ୍ରେମୀ ଲମ୍ବା ଧାଡି ରେ

କାଲି ରାତିରୁ ଲାଇନ ଲଗାଇଛନ୍ତି କ୍ରିକେଟ ପ୍ରେମୀ । ଆଜି ଓ କାଲି ଦୁଇଦିନ ଧରି କାଉଣ୍ଟରରେ ଟିକେଟ ବିକ୍ରି ହେବ । ଆଜି ସକାଳ ୯ଟାରୁ ସନ୍ଧ୍ୟା ୬ଟା ଯାଏ ଟିକେଟ ବିକ୍ରି ହେବ । ସାଧାରଣ ଦର୍ଶକଙ୍କ ପାଇଁ ମୋଟ ୧୧ ହଜାର ୮୦ ଟିକେଟ ରହିଛି । ଜଣେ ବ୍ୟକ୍ତି ସର୍ବାଧିକ ଦୁଇଟି ଟିକେଟ କିଣିପାରିବେ । ପରିଚୟ ପତ୍ର ଦେଖାଇ ଦର୍ଶକ କିଣିବେ ଟିକେଟ। ଟିକେଟ କାଉଣ୍ଟର ନିକଟରେ କଡ଼ା ସୁରକ୍ଷା ବ୍ୟବସ୍ଥା କରାଯାଇଛି। ଟିକେଟ କଳା ବଜାରୀ ଉପରେ ରହିଛି କଡ଼ା ନଜର । ସାଦା ପୋଷାକରେ ମୁତୟନ ଅଛନ୍ତି ପୋଲିସ ।

କାଉଣ୍ଟର ଟିକେଟ ପାଇଁ ତିନିିଟି ଟିକେଟ ବକ୍ସ ବ୍ୟବସ୍ଥା ହୋଇଛି । ଗୋଟିଏ ବକ୍ସକୁ ହର୍ସ ଗେଟ ନିକଟରେ ରଖାଯାଇଥିବା ବେଳେ, ଅନ୍ୟ ଦୁଇଟି ବକ୍ସକୁ ବାସ୍କେଟ ବଲ ପଡିଆ ପଛ ପଟ ରାସ୍ତା କଡ଼ରେ ରଖାଯାଇଛି । ହର୍ସ ଗେଟ ନିକଟ କାଉଣ୍ଟରରେ ଅଧିକ ମୂଲ୍ୟର ଟିକେଟ ମିଳିବ ।  ଅନ୍ୟ ଦୁଇଟି କାଉଣ୍ଟରରେ ସାଧାରଣ ଦର୍ଶକଙ୍କ ପାଇଁ ଉଦ୍ଦିଷ୍ଟ ଗ୍ୟାଲେରୀ ଟିକେଟ ବିକ୍ରି କରାଯିବ ।

ମହିଳାଙ୍କ ପାଇଁ ଏକ ସ୍ବତନ୍ତ୍ର ଟିକେଟ କାଉଣ୍ଟର କରାଯାଇଥିବା ବେଳେ, ମହିଳାଙ୍କ ପ୍ରବେଶ ଏବଂ ପ୍ରସ୍ଥାନ ପଥ ଭିନ୍ନ ରଖାଯାଇଛି । ପୁରୁଷମାନଙ୍କ ପାଇଁ ଉଦ୍ଦିଷ୍ଟ ଟିକେଟ ବକ୍ସରେ ଦୁଇଟି କାଉଣ୍ଟର ରହିଛି ।  ଦୁଇଟି ପ୍ରବେଶ ଏବଂ ଦୁଇଟି ପ୍ରସ୍ଥାନ ଧାଡ଼ି ସହ ବ୍ୟାରିକେଡିଂ ବ୍ୟବସ୍ଥା ରହିଛି ।