ଚତୁର୍ଥୀ ଦିନ ନୂଆ ବୋହୂ ଖୋଲିଲେ ବଡ଼ ରହସ୍ୟ: ସ୍ଵାମୀ ହାତ ଛାଡ଼ି ଗଲେ ପ୍ରେମିକ ଘରକୁ

ପ୍ରେମିକର ପ୍ରେମ ପାଗଳ କଲା । ସ୍ଵାମୀ ସହ ରହିବାକୁ ସ୍ତ୍ରୀର ଆଦୌ ଇଚ୍ଛା ନଥିଲା । ସ୍ଵାମୀକୁ ଛାଡ଼ି ପ୍ରେମିକ ପାଖକୁ ଯିବାକୁ ଚାହୁଁଥିଲା ସ୍ତ୍ରୀ । ବାହାଘର ପରେ ସ୍ଵାମୀ ହାତ ଛାଡ଼ି ଚତୁର୍ଥୀ ଦିନ ନବବଧୂ ଧରିଲେ ପ୍ରେମିକର ହାତ । ଶାଶୁଘର, ବାପଘର ଲୋକଙ୍କ ଉପସ୍ଥିତିରେ ଥାନାରେ ହେଲା ଚୁକ୍ତିନାମା । ଏପରି ଏକ ଘଟଣା ଘଟିଛି ଓଡ଼ିଶାର ତାଳଚେରରେ ।

ହଁ ଦର୍ଶକ ବନ୍ଧୁ ଚତୁର୍ଥୀ ପିଣ୍ଡ ପଡ଼ିବା ପୂର୍ବରୁ ନବବଧୂଙ୍କ ଏପରି କିଛି କଥା ବରପକ୍ଷଙ୍କ ପାଦ ତଳୁ ମାଟି ଖସାଇ ଦେଲା । କାରଣ ଏଭଳି ଘଟଣଶ କେବଳ ସିନେମାରେ ଦେଖିବାକୁ ମିଳିଥାଏ । ହେଲେ ଏଠି ଘଟିଲଶ ଅସଲ ଜୀବନରେ । ବାହା ହୋଇଥିବା ଯୁବକଙ୍କ ସହ ନୁହେଁ ବରଂ ପୁରୁଣା ପ୍ରେମିକଙ୍କ ସହ ରହିବାକୁ ଜିଦ୍ ଧରିଥିଲେ ନବବଧୂ ।

ଯାହା କୁହାଯାଉଛି, ଗତ ୧୮ ତାରିଖରେ ତାଳଚେର ଥାନା ଅନ୍ତର୍ଗତ ଟାଉନ ବଡ଼ ଦାଣ୍ଡ ସାହିର ଜଣେ ଯୁବକଙ୍କ ବିବାହ ବଅଁରପାଳ ବ୍ଲକ ଅଞ୍ଚଳରେ ହୋଇଥିଲା । ରୀତିନୀତି ଅନୁସାରେ ମନ୍ଦିରରେ ହୋଇଥିଲା ବିବାହ । ନବବଧୂଙ୍କୁ ଧରି ଘରକୁ ଫେରିଥିଲେ ବର । ୩ ଦିନ ଧରି ନବବଧୂ ଶାଶୁଘରେ ଠିକଠାକ ରହିଥିଲେ । ଏପଟେ ଚତୁର୍ଥୀ ପାଇଁ ବରପକ୍ଷ ସମସ୍ତ ଆୟୋଜନ ବି ଶେଷ କରିଥିଲେ । ହେଲେ ହଠାତ୍ ସେହି ଚତୁର୍ଥୀ ଦିନ ନୂଆ ବୋହୂ ଖୋଲିଲେ ବଡ଼ ରହସ୍ୟ । ଏ ବାହାଘର ତାଙ୍କ ଇଚ୍ଛା ଅନୁସାରେ ହୋଇ ନାହିଁ, ତାଙ୍କ ଜୋର ଜବରଦସ୍ତି ବାହା କରାଯାଇଛି ବୋଲି କହିଥିଲେ । ସେ ତାଙ୍କ ପ୍ରେମିକଙ୍କ ସହ ରହିବାକୁ ଜିଦ୍ ଧରିଥିଲେ ।

ଏକଥା ଶୁଣି ବରଘର ଲୋକଙ୍କ ହୋସ୍ ଉଡ଼ିଗଲା । ଘଟଣା କଣ ବୋଲି କିଛି ବୁଝିବାକୁ ଚେଷ୍ଟା କରୁଥିଲା ବେଳେ ନବବଧୂ କହିଲେ ମୋ ମାଆ ଜୋର ଜବରଦସ୍ତ କରି ମୋତେ ବାହା କରାଇଛନ୍ତି । ଏପରି କି ବାହା ନହେଲେ ଜୀବନ ହାରିବାକୁ ଧମକ ଦେଇଥିଲେ ବାପା । ତେଣୁ ସେ ବାଧ୍ୟ ହୋଇ ବାହା ହୋଇଛନ୍ତି । ତେଣୁ ବାଧ୍ୟବାଧକତାରେ ବିବାହ କରିଥିବାରୁ ସେ ଖୁସି ନାହାନ୍ତି ।

ସେ କେବେବି ତାଙ୍କ ବୈବାହିକ ଜୀବନ ଭଲରେ ଗଢ଼ି ପାରିବେ ନାହିଁ । ତେଣୁ ନିଜ ପୁରୁଣା ପ୍ରେମିକକୁ ବିବାହ କରିବାକୁ ଚାହାନ୍ତି ବୋଲି ସ୍ପଷ୍ଟ କରି କହିଥିଲେ । ଏଇ ନବବଧୂଙ୍କର ତାଙ୍କ ପ୍ରେମିକ ସହିତ ଦୀର୍ଘ ୭ବର୍ଷ ହେଲା ସମ୍ପର୍କ ରହିଥିଲା । ମୁଁ ତାଙ୍କୁ ଛାଡି ରହିପାରିବିନି ବୋଲି ସେ ଜୋର ଦେଇ କହିଥିଲେ । ତେବେ ଏପରି କଥା ଶୁଣି ବରପକ୍ଷ ତୁରନ୍ତ ନବବଧୂଙ୍କ ପରିବାର ଲୋକଙ୍କୁ ଖବର ଦେଇଥିଲେ ।

ପରେ ଘଟଣା ଏଭଳି ସ୍ତରକୁ ଆସିଲା ଯେ ଉଭୟ ପରିବାର ତାଳଚେର ଥାନାର ଦ୍ୱାରସ୍ଥ ହେଲେ । ଏହାପରେ ଦୁଇ ପରିବାର ଲୋକଙ୍କ ଉପସ୍ଥିତିରେ ଥାନାରେ ଚୁକ୍ତିନାମା ହୋଇଥିଲା । ଶେଷରେ ନବବଧୂ ଜଣକ ତାଙ୍କ ପୁରୁଣା ପ୍ରେମିକ ପାଖକୁ ଚାଲିଯିବା ପାଇଁ ନିଷ୍ପତ୍ତି ହେଲା ।

ନବବଧୂଙ୍କ କଥା ଯଦି ସତ ତେବେ ତାଙ୍କ ପରିବାର ଲୋକଙ୍କ ଜୋରଜବରଦସ୍ତି ବାହା ଦେବା ଆଦୌ ଉଚିତ ହୋଇ ନାହିଁ । ଏଥିରେ ଯେଉଁ ଅଭାବନୀୟ ପରିସ୍ଥିତି ଉପୁଜିଲା ସେଥିପାଇଁ ସେମାନେ ହିଁ ଦାୟୀ । ଯାହାଫଳରେ ବିଚରା ବରଘର ଲୋକେ ଅପଦସ୍ତ ହେଲେ । ଅନ୍ୟପକ୍ଷରେ ଏକଥା ବି ସତ ଯେ ବାପା ମାଆମାନେ ନିଜ ପିଲାର କେବେବି ଅମଙ୍ଗଳ ଚାହାନ୍ତି ନାହିଁ । ହେଲେ ସେମାନେ ବି ପିଲାଙ୍କ ମନ କଥା ବୁଝି ଉଚିତ ଅନୁଚିତ ବୁଝାଇବା କଥା । ଅନୁଗୋଳ ଜିଲ୍ଲା ତାଳଚେର ଥାନା ଅଞ୍ଚଳରେ ଶୁକ୍ରବାର ଘଟିଥିବା ଏହି ଘଟଣା ଏବେ ସବୁଠି ଚର୍ଚ୍ଚାର ବିଷୟ ପାଲଟିଛି ।