ପ୍ରଧାନମନ୍ତ୍ରୀ ମୋଦି ମହାକୁମ୍ଭକୁ ‘ଏକତାର ମହାଯଜ୍ଞ’ ବୋଲି କହିଛନ୍ତି ।

ପ୍ରଧାନମନ୍ତ୍ରୀ ମୋଦି  ମହାକୁମ୍ଭକୁ ‘ଏକତାର ମହାଯଜ୍ଞ’ ବୋଲି କହିଛନ୍ତି । ଏହାସହିତ ମହାକୁମ୍ଭ ବ୍ୟବସ୍ଥାରେ କୌଣସି ଅଭାବ ରହିଥିଲେ, ଜନତା କ୍ଷମା କରିଦେବେ ବୋଲି କହିଛନ୍ତି ।

ପ୍ରଧାନମନ୍ତ୍ରୀ ମୋଦି ମହାକୁମ୍ଭ ବ୍ୟବସ୍ଥାରେ ଅଭାବକୁ ନେଇ କ୍ଷମା ମାଗି ଲେଖିଛନ୍ତି, ମୁଁ ଜାଣିଛି, ଏବେ ବଡ଼ ଆୟୋଜନ କରିବା ସହଜ କଥା ନୁହେଁ । ମୁଁ ଗଙ୍ଗା ମା’, ଯମୁନା ମା’, ସରସ୍ବତୀ ମା’ଙ୍କୁ ପ୍ରାର୍ଥନା କରୁଛି । ଯଦି ଆମ ଆରାଧନାରେ କୌଣସି ଅଭାବ ରହିଛି, ତେବେ କ୍ଷମା କରିଦେବେ । ମୋ ପାଇଁ ଜନତା ଈଶ୍ବର ସମାନ, ସମସ୍ତ ଶ୍ରଦ୍ଧାଳୁଙ୍କୁ ସେବାରେ କୌଣସି ଅଭାବ ରହିଥାଏ, ତେବେ କ୍ଷମା କରିଦେବେ ।

ମୋଦି ଆହୁରି ଲେଖିଛନ୍ତି, ଏମିତି କିଛି ହୋଇଛି, ଯାହା କିଛି ଦଶକରୁ କେବେ ବି ହୋଇନି । ଏହା ଆଗାମୀ ଶତାବ୍ଦୀ ପାଇଁ ମୂଳଦୁଆ । ପ୍ରୟାଗରାଜରେ ଯେତିକି କଳ୍ପନା କରାଯାଇଥିଲା, ତା’ ଠାରୁ ଅଧିକ ସଂଖ୍ୟାରେ ଶ୍ରଦ୍ଧାଳୁ ପହଞ୍ଚିଛନ୍ତି । ଆମେରିକା ଜନସଂଖ୍ୟାର ଦୁଇଗୁଣା ପାଖାପାଖି ଲୋକ ମହାକୁମ୍ଭରେ ଭାଗ ନେଇଛନ୍ତି, ବୁଡ ପକାଇଛନ୍ତି ।

ପ୍ରୟାଗରାଜରେ ହୋଇଥିବା ମହାକୁମ୍ଭର ଆୟୋଜନ ଆଧୁନିକ ଯୁବର ମ୍ୟାନେଜମେଣ୍ଟ ପ୍ରଫେସନାଲ, ପ୍ଲାନିଂ ଏବଂ ପଲିସି ଏକ୍ସପର୍ଟଙ୍କ ପାଇଁ ନୂଆଭାବେ ଅଧ୍ୟୟନର ବିଷୟ ପାଲଟିଛି । ଏହା ସମଗ୍ର ବିଶ୍ବରେ ଏଭଳି ବିରାଟ ଆୟୋଜନର କୌଣସି ତୁଳନା ନାହିଁ । ଏହାର ଅନ୍ୟ କୌଣସି ଉଦାହରଣ ମଧ୍ୟ ନାହିଁ ।

ସରିଲା ମହାକୁମ୍ଭ । ମହାକୁମ୍ଭର ଶେଷଦିନରେ ଲକ୍ଷାଧିକ ଶ୍ରଦ୍ଧାଳୁଙ୍କ ସମାଗମ ହୋଇଥିଲା । ୧୪୪ ବର୍ଷ ପରେ ଏଭଳି ଏକ ଐତିହାସିକ ମୁହୂର୍ତ୍ତର ମୂକ ସାକ୍ଷୀ ହେବା ଲାଗି କୋଟି କୋଟି ଶ୍ରଦ୍ଧାଳୁ ପ୍ରୟାଗରାଜରେ ବୁଡ଼ ପକାଇଛନ୍ତି । ଜାନୁଆରୀ ୧୩ ତାରିଖ ପୌଷ ପୂର୍ଣ୍ଣିମାରୁ ମହାକୁମ୍ଭ ଆରମ୍ଭ ହୋଇଥିଲା । ଦୀର୍ଘ ୪୫ଦିନ ଧରି ମହାକୁମ୍ଭ ମେଳା ଚାଲିଥିଲା । ଆସ୍ଥା ଓ ବିଶ୍ବାସର ପ୍ରତୀକ ମହାକୁମ୍ଭରେ ୬୬ କୋଟି ଲୋକ ବୁଡ ପକାଇଛନ୍ତି। ଗତକାଲି ଶେଷ ଅମୃତ ସ୍ନାନ ପାଇଁ ଦେଶ ଓ ବିଦେଶର ଲୋକମାନେ ପ୍ରୟାଗରାଜକୁ ଆସିଥିଲେ ।