ଏୟାର ଇଣ୍ଡିଆର ୩୨ଟି ବିମାନକୁ ବୋମା ଧମକ

ଦେଶର ବିଭିନ୍ନ ବିମାନ ସେବା ପ୍ରଦାନକାରୀ ସଂସ୍ଥା ଓ ପ୍ରତିଷ୍ଠାନକୁ ବୋମା ବିସ୍ଫୋରଣର ଧମକ ମିଳିବା ଘଟଣା ହଇଚଇ ସୃଷ୍ଟି କରିଥିବା ବେଳେ ଏବେ ପୁଣି ସମାନ କାଣ୍ଡ ଘଟିଛି । ଦିନକ ତଳେ କୋଲକାତାରୁ ଓ କୋଲକାତାକୁ ଯାଉଥିବା ୭ଟି ବିମାନକୁ ସୋସିଆଲ ମିଡିଆରେ ବୋମା ବିସ୍ଫୋରଣର ଧମକ ମିଳିଥିଲା ।

ହେଲେ ଏଯାଏ କୌଣସି ବିମାନରୁ ବିସ୍ଫୋରକ ସାମଗ୍ରୀ ମିଳିନାହିଁ। ଅନ୍ୟପକ୍ଷରେ କ୍ରମାଗତ ଭାବେ ବିମାନ ଓ ପ୍ରତିଷ୍ଠାନଗୁଡ଼ିକୁ ଧମକ ମିଳୁଥିବାରୁ ଜାତୀୟ ତଦନ୍ତକାରୀ ସଂସ୍ଥା ବା ଏନଆଇଏ ତଦନ୍ତ ଆରମ୍ଭ କରିଛି। ଗତ ୨ ସପ୍ତାହ ମଧ୍ୟରେ ୪୦୦ରୁ ଅଧିକ ବୋମା ଗୁଜବର ଧମକ ମିଳିବାରୁ ସମସ୍ତଙ୍କ ଚିନ୍ତା ବଢ଼ିଛି।