ହଠାତ ଟ୍ୱିନ ସିଟିରେ ସକାଳୁ ସକାଳୁ ବର୍ଷା

କାଲି ଅନେକ ଲୋକ ଦୀପାବଳି ପାଳିଥିବାବେଳେ ଆଜି ମଧ୍ୟ ଅନେକ ଲୋକ ଦୀପାବଳି ପାଳିବାକୁ ପ୍ରସ୍ତୁତି କରିଛନ୍ତି  ।ଭୁବନେଶ୍ବର ଓ କଟକରେ ପ୍ରବଳ ବର୍ଷା ।  କଟକ ସହରରେ ସକାଳୁ ସକାଳୁ ଆରମ୍ଭ ହୋଇ ଯାଇଛି ବର୍ଷା । ସହରର ବିଭିନ୍ନ ସ୍ଥାନରେ ପାଣି ଜମିଛି । ଗତକାଲି ଦୀପାବଳି ପାଳନ ହୋଇଥିବାବେଳେ ଆଜି ମାଆ କାଳୀଙ୍କ ପୂଜାର୍ଚ୍ଚନା ଚାଲିଛି ।

ଅନେକ ଲୋକ ସେମାନଙ୍କ ଗାଡ଼ି ପୂଜା ପାଇଁ ମନ୍ଦିରରେ ଭିଡ଼ ଜମାଇଛନ୍ତି । ତେବେ ସକାଳୁ ସକାଳୁ ବର୍ଷା ଲାଗିରହିଥିବାରୁ ଲୋକଙ୍କ ଯାତାୟାତରେ ସମସ୍ୟା ସୃଷ୍ଟି ହୋଇଛି । ଭୁବନେଶ୍ବର ସମେତ ଖୋର୍ଦ୍ଧାକୁ ୟେଲୋ ୱାର୍ଣ୍ଣିଂ ଜାରି କରାଯାଇଛି  । ହେଲେ ସକାଳୁ ସକାଳୁ ପ୍ରବଳ ବର୍ଷା ଦୀପାବଳିକୁ ଫିକା କରିଦେଇଛି

ପ୍ରବଳ ବର୍ଷାରେ ଟ୍ୱିନସିଟି ଭିଜିଛି । ଘଡଘଡି ସହ ପ୍ରବଳ ବର୍ଷା ଯୋଗୁଁ କଟକ ଓ ଭୁବନେଶ୍ୱରର ବିଭିନ୍ନ ସ୍ଥାନରେ ଘର ଭିତରେ ପାଣି ପଶିଯାଇଛି । ପ୍ରଥମ ଦିନ ଦୀପାବଳିରେ ପାଗ ସ୍ୱାଭାବିକ ଥିବାବେଳେ ଆଜି ହଠାତ୍ ବର୍ଷା ଉତ୍ସବର ମାହୋଲକୁ ଫିକା କରିଛି ।