ସ୍ପେନ୍‌ରେ ବନ୍ୟା ମୃତ୍ୟୁସଂଖ୍ୟା ୧୫୦କୁ ବୃଦ୍ଧି, ଉଦ୍ଧାର କାର୍ଯ୍ୟ ଜାରି

ସ୍ପେନରେ ପ୍ରବଳ ବର୍ଷା ଯୋଗୁ ଅନେକ ଅଞ୍ଚଳରେ ବନ୍ୟା ପରିସ୍ଥିତି ସୃଷ୍ଟି ହୋଇଛି। ୨୮ ବର୍ଷ ଭିତରେ ଭାଲେନସିଆରେ ସବୁଠୁ ଅଧିକ ବର୍ଷା ହୋଇଛି ।  ମାଦ୍ରିଦ-ଭାଲେନସିଆ ମଧ୍ୟରେ ଚ୍ରେନ ସେବା ବାତିଲ କରାଯାଇଛି ।   ସରକାରୀ ପରିବହନ ସେବା ବାଧାପ୍ରାପ୍ତ ହୋଇଛି । ସ୍କୁଲ, ମ୍ୟୁଜିୟମ ଓ ଲାଇବ୍ରେରୀ ବନ୍ଦ ରହିଛି ।

ସ୍ପେନର ପୂର୍ବ ଓ ଦକ୍ଷିଣ ପ୍ରାନ୍ତରେ ମୂଷଳଧାରରେ ବର୍ଷା ପରେ ଆସିଥିଲା ଭୟଙ୍କର ବନ୍ୟା ।  ହଠାତ ବନ୍ୟା ଆସିବା ଦ୍ବାରା ରାସ୍ତାରେ ଥିବା ଗାଡ଼ି ମଟର ଭାସିବାକୁ ଲାଗିଥିଲା । ସହରର ଗଳିକନ୍ଦିରେ ନଦୀର ଭ୍ରମ ସୃଷ୍ଟି ହୋଇଥିଲେ ।  ତଳିଆ ଅଞ୍ଚଳରେ ଥିବା ଘର ଗୁଡ଼ିକ ବନ୍ୟା ଜଳରେ ବୁଡିରହିଥିଲା ।

ଫସି ରହିଥିବା ଲୋକଙ୍କୁ ଉଦ୍ଧାର କରିବାକୁ ସେନା ଓ ପୋଲିସକୁ ହେଲିକପ୍ ଟର ବ୍ୟବହାର କରିବାକୁ ପଡ଼ିଥିଲା । ଏଥିରେ ବର୍ତ୍ତମାନ ସୁଦ୍ଧା ୧୫୫ ଜଣଙ୍କ ମୃତ୍ୟୁ ହୋଇଥିବା ବେଳେ ମୃତକଙ୍କ ସଂଖ୍ୟା ବଢିବା ଆଶଙ୍କା ରହିଛି ।

ବିପନ୍ନଙ୍କୁ ସହାୟତା ଯୋଗାଇ ଦେବାକୁ ସ୍ପେନ ସହରାର ଏକ ଜରୁରୀକାଳୀନ କମିଟି ଗଠନ କରିଛନ୍ତି ।  ସ୍ପେନ ପ୍ରଧାନମନ୍ତ୍ରୀ ତିନି ଦିନିଆ ରାଷ୍ଟ୍ରୀୟ ଶୋକ ଘୋଷଣା କରିଛନ୍ତି। ଏବେ ଅନେକ ନିଖୋଜ ଥିବାରୁ ମୃତକଙ୍କ ସଂଖ୍ୟା ବଢିବା ଅନୁମାନ କରାଯାଉଛି। ସ୍ପେନରେ ୧୯୭୨ ପରେ ସ୍ପେନରେ ଏହା ଭୟଙ୍କର ବନ୍ୟା । ୧୯୭୨ ବନ୍ୟାରେ ୧୫୦ ଜଣଙ୍କ ମୃତ୍ୟୁ ହୋଇଥିଲା