ଲିଫ୍ଟ ଆସିବା ପୂର୍ବରୁ ଖୋଲିଗଲା ଗେଟ୍, ଖସିପଡିବାରୁ ଚାପି ହୋଇ ଚାଲିଗଲା ସିକ୍ୟୁରିଟି ଗାର୍ଡଙ୍କ ଜୀବନ

ମୁତାବକ, ଚେନ୍ନାଇର ତାମ୍ବରମରେ ଥିବା ଏକ ଆପାର୍ଟମେଣ୍ଟରେ ସିକ୍ୟୁରିଟି ଗାର୍ଡ ଭାବେ କାମ କରୁଥିଲେ ନଟରାଜ । ରବିବାର ରାତିରେ ତାଙ୍କର ଡ୍ୟୁଟି ଥିବା ହେତୁ ସେ ଛାତର କବାଟ ବନ୍ଦ କରିବାକୁ ଯାଇଥିଲେ । କବାଟ ବନ୍ଦ କରି ଆସିବା ବେଳେ ସେ ଲିଫ୍ଟର ବଟନ ମାରିଥିଲେ । ହେଲେ ବୈଷୟିକ ତ୍ରୁଟି ଯୋଗୁଁ ଲିଫ୍ଟ ଆସିବା ପୂର୍ବରୁ ଲିଫ୍ଟର ଗେଟ ଖୋଲିଯାଇଥିଲା ।

ସେତେବେଳେ ନଟରାଜ ଭାବିଥିଲେ ଲିଫ୍ଟ ଆସିଗଲା ବୋଲି, ତେଣୁ ସେ ନ ଦେଖି ପଶିଯାଇଥିଲ । ଫଳରେ ଲିଫ୍ଟ ଉପରେ ଖସି ପଡିଥିଲେ । ଲିଫ୍ଟ ଉପରେ ଖସିପଡିବା ଯୋଗୁଁ ଲିଫ୍ଟଟି ଉପରକୁ ଆସିବା ବେଳେ ନଟରାଜ ଚାପି ହୋଇଯାଇଥିଲେ । ଘଟଣା ସ୍ଥଳରେ ତାଙ୍କର ଜୀବନ ଚାଲିଯାଇଥିଲା ।

ତେବେ ପୋଲିସ ଘଟଣା ସ୍ଥଳରେ ପହଞ୍ଚି ମୃତଦେହକୁ ଜବତ କରିବା ପରେ ବବଚ୍ଛେଦ ପାଇଁ ପଠାଇଛି । ମୃତ ନଟରାଜ ପତ୍ନୀ ,ବଂ ଝିଅଙ୍କ ସହିତ ମାଡମ୍ବକ୍କମରେ ରହୁଥିଲେ । ପୋଲିସ ଏହି ମାମଲାରେ ତଦନ୍ତ ଜାରି ରଖିଛି ।