ସଞ୍ଜୁ ସାମସନଙ୍କ ଛକାରେ ମହିଳା ଆହତ କ୍ଷମା ମାଗିଲେ ସଞ୍ଜୁ

ଘରୋଇ ଦକ୍ଷିଣ ଆଫ୍ରିକାକୁ ୩-୧ରେ ମାତ ଦେଇଛି ସୂର୍ଯ୍ୟକୁମାର ଯାଦବଙ୍କ ଭାରତୀୟ ଟିମ୍ । ଶେଷ ମ୍ୟାଚରେ ସଞ୍ଜୁ ସାମସନଙ୍କ କମାଲ ବ୍ୟାଟିଂ କରି ଶତକ ମାରିଛନ୍ତି ।

ସଞ୍ଜୁ ସାମସନ୍ ୫୬ ବଲ୍ ରୁ ୧୦୯* ରନ୍ ର ଏହି ଚମତ୍କାର ଇନିଂସରେ ୮ଟି ସର୍ବାଧିକ ସ୍କୋର କରିଛନ୍ତି । ୧୦ମ ଓଭରରେ ସଞ୍ଜୁ ସାମସନ ଟ୍ରିଷ୍ଟନ୍ ଷ୍ଟବ୍ସଙ୍କୁ ଏକ ଛକା ଡିପ୍ ମିଡ ୱିକେଟରେ ମାରିଥିଲେ । ଫଳରେ ଷ୍ଟାଡିୟମରେ ଜଣେ ମହିଳା ପ୍ରଶଂସକଙ୍କ ମୁହଁରେ ସିଧା ଯାଇ ବଲ୍ ବାଜିଥିଲା ।

ମହିଳାଙ୍କ ମୁହଁରେ ବଲ୍ ବାଜିବା ପରେ ସେ ଯନ୍ତ୍ରଣାରେ କାନ୍ଦୁଥିବାର ଦେଖିବାକୁ ମିଳିଥିଲା ।ଏହାପରେ ସଞ୍ଜୁ ସାମସନ୍ କ୍ଷମା ପ୍ରାର୍ଥନା କରି ପ୍ରଶଂସକଙ୍କ ଆଡ଼କୁ ହାତ ହଲାଇଥିଲେ । ମହିଳାଙ୍କ ଗାଲରେ ବଲ୍ ବାଜିବା ପରେ ଫ୍ୟାନ ତାଙ୍କ ଗାଲରେ ବରଫ ଲଗାଉଛନ୍ତି ।

ଚତୁର୍ଥ ଟି୨୦ ମ୍ୟାଚ୍ ଟସ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲେ ସୂର୍ଯ୍ୟକୁମାର ଯାଦବ । ଜୋହାନ୍ସବର୍ଗରେ ଖେଳାଯାଇଥିବା ମ୍ୟାଚରେ ସଞ୍ଜୁ ସାମସନଙ୍କ ୧୦୯ ଓ ତିଳକ ବର୍ମାଙ୍କ ବିସ୍ଫୋରକ ୧୨୦ ରନ୍ ବଳରେ ଭାରତୀୟ ଟିମ୍ ବିଶାଳ ୨୮୩ ରନ୍ ସ୍କୋର ଛିଡ଼ା କରିଥିଲା । ଅର୍ସଦୀପ ସିଂହ ଓ ହାର୍ଦ୍ଦିକ ପାଣ୍ଡ୍ୟାଙ୍କ ଘାତକ ବୋଲିଂ ଯୋଗୁ ଦକ୍ଷିଣ ଆଫ୍ରିକା ଏକତରଫା ଭାବେ ପରାସ୍ତ ହୋଇଛି।

ଦକ୍ଷିଣ ଆଫ୍ରିକା ୧୮.୨ ଓଭରରେ ସମସ୍ତ ୱିକେଟ ହରାଇ ୧୪୮ ରନ୍ ସଂଗ୍ରହ କରି ପାରିଥିଲା । ଫଳରେ ଭାରତ ଶେଷ ଟି-୨୦କୁ ୧୩୫ ରନ୍ରେ ଜିତି ସିରିଜକୁ କବଜା କରିଛି ।