ରାଜଧାନୀରେ ବୁଲିଲା ଖଣ୍ଡା । ପଳାଶପଲ୍ଲୀ ଅଞ୍ଚଳରେ ଯୁବକଙ୍କୁ ଗୋଡେଇ ଗୋଡେଇ ହାଣିଲେ ଦୁର୍ବୃତ୍ତ ।

ପଳାଶପଲ୍ଲୀ ଲେନ ୧୦ରେ ରହୁଥିବା ସମାଜସେବୀ ଶିବପ୍ରସାଦ ଶ୍ରୀଚନ୍ଦନକୁ ହାଣିଛନ୍ତି ଦୁର୍ବୁତ୍ତ । ବାଇକରେ ୩ ଜଣ ଆସି ଆକ୍ରମଣ କରିଛନ୍ତି । ଦୁର୍ବୁତ୍ତମାନେ ଯୁବକଙ୍କୁ ଖଣ୍ଡାରେ ହାଣିପକାଇବା ପରେ ଘଟଣାସ୍ଥଳରୁ ଫେରାର ହୋଇଯାଇଥିଲେ । ଗୁରୁତର ଅବସ୍ଥାରେ ଯୁବକକୁ ଉଦ୍ଧାର ପରେ ଚିକିତ୍ସା ପାଇଁ ମେଡ଼ିକାଲରେ ଭର୍ତ୍ତି କରାଯାଇଥିଲା ।

ପୂର୍ବ ଶତୃତାକୁ କେନ୍ଦ୍ର କରି ଏହି ଆକ୍ରମଣ ହୋଇଥିବା ସନ୍ଦେହ କରାଯାଛି । ଗୁରୁତର ଅବସ୍ଥାରେ ଯୁବକକୁ ପ୍ରଥମେ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଥିଲା । ସେଠାରେ ତାଙ୍କର ସ୍ବାସ୍ଥ୍ୟବସ୍ଥା ସଂକଟାପନ୍ନ ହେବାରୁ ତାଙ୍କୁ ଭୁବନେଶ୍ବର ଏମ୍‌ସକୁ ପଠାଯାଇଥିବା ସୂଚନା ମିଳିଛି।   ପୋଲିସ କମିଶନର ଆହତ ଶିବଙ୍କୁ ଏମସରେ ଭେଟି ସ୍ବାସ୍ଥ୍ୟବସ୍ଥା ପଟାରି ବୁଝିଛନ୍ତି ।  ପଳାଶପଲ୍ଲୀରେ ଲାଗିଥିବା ସିସିଟିଭି ଯାଞ୍ଚ କରି ଦୁର୍ବୃତ୍ତଙ୍କୁ ଖୋଜୁଛି ପୋଲିସ ।