ଥରିଲା ମୟୂରଭଞ୍ଜ ୭ ମିନିଟ୍‌ରେ ହେଲା ୪୪୧୫ ଥର ବଜ୍ରପାତ

ଗତକାଲି ସନ୍ଧ୍ୟା ୬ଟାରୁ ରାତି ୮ଟା ଯାଏ ୧୨୦ ମିନିଟ୍ ଧରି ମୟୂରଭଞ୍ଜ ଆକାଶ ମେଘାଚ୍ଛନ୍ନ ହୋଇ ରହିଥିଲା । ଏହି ସମୟ ମଧ୍ୟରେ ମୁଷଳ ଧାରାରେ ବର୍ଷା ହେବା ସହିତ ଘଡ଼ଘଡ଼ି ଓ ବିଜୁଳି ମାରିଥିଲା । ” ପାଣିପାଗ ବିଜ୍ଞାନୀମାନେ ଏହି ଘଟଣାକୁ ଗମ୍ଭୀରତାର ସହ ନେଇଛନ୍ତି ।

ଏ ସଂପର୍କରେ ଜିଲ୍ଲା ଜରୁରିକାଳୀନ ଅଧିକାରୀ ଶ୍ରଦ୍ଧା ସୁମନ କହିଛନ୍ତି ମୟୂରଭଞ୍ଜରେ ତାପମାତ୍ରା ଦିନକୁ ଦିନ ବୃଦ୍ଧି ଘଟୁଛି । ଆଜି ତାପମାତ୍ରା ୩୦ରୁ ୩୬ ଡିଗ୍ରି ମଧ୍ୟରେ ରହିଥିବାରୁ ବାୟୁ ମଣ୍ଡଳରେ ଆର୍ଦ୍ରତା ବୃଦ୍ଧି ପାଇଛି ।

ଏହାର ଏକ ବଡ଼ ପ୍ରଭାବ ବଜ୍ରପାତ ଭାବେ ଅନୁଭୂତ ହେଉଛି । ସବୁ ବ୍ଲକ୍‌ସ୍ତରୀୟ ଅଧିକାରୀ ଓ ତହସିଲଦାରଙ୍କୁ ଏ ନେଇ ସତର୍କ ରହିବାକୁ କୁହାଯାଇଛି ।୭ ମିନିଟ୍‌ରେ ଆଜି ୪୪୧୫ ଥର ବଜ୍ରପାତ ହୋଇଥିବା ଦାମିନି ଆପ୍ ରେକର୍ଡ କରିଥିଲା ।