ଓଡ଼ିଶା ଆସିବେ ସିଙ୍ଗାପୁର ରାଷ୍ଟ୍ରପତି: ୮ MOUରେ ହେବ ସ୍ବାକ୍ଷର I

ଦୁଇଦିନିଆ ଓଡ଼ିଶା ଗସ୍ତରେ ସିଙ୍ଗାପୁର ରାଷ୍ଟ୍ରପତି  ଥର୍ମନ ଷଣମୁଗରତ୍ନମ । ଦିନ ୧୧ଟାରେ ଭୁବନେଶ୍ବର ବିମାନ ବନ୍ଦରରେ ପହଞ୍ଚିବେ । ଭୁବନେଶ୍ବର ଗସ୍ତ ବେଳେ ଓଡ଼ିଶା ସରକାରଙ୍କ ସହ ୮ଟି ଏମଓୟୁ ସ୍ବାକ୍ଷର ହେବ । ଅପରାହ୍ନ ୪ଟାରେ ମଞ୍ଚେଶ୍ବର ସ୍ଥିତ ୱାର୍ଲଡ ସ୍କିଲ ସେଣ୍ଟର ବୁଲି ଦେଖିବେ ସିଙ୍ଗାପୁର ରାଷ୍ଟ୍ରପତି । ସ୍କିଲ ସେଣ୍ଟରର ଇନଷ୍ଟ୍ରକଟର ଓ ଛାତ୍ରଛାତ୍ରୀଙ୍କ ସହ ଆଲୋଚନା କରିବେ । ସିଙ୍ଗାପୁର ସରକାରଙ୍କ ଇନଷ୍ଟିଚ୍ୟୁଟ୍ ଅଫ ଟେକନିକାଲ ଏଜୁକେସନ ସର୍ଭିସେସ ITEES ସହଯୋଗରେ ପ୍ରତିଷ୍ଠା ହୋଇଛି ୱାର୍ଲଡ ସ୍କିଲ ସେଣ୍ଟର ।

ଓଡ଼ିଶା ସରକାରଙ୍କ ପକ୍ଷରୁ ସ୍କିଲ ଡେଭେଲପମେଣ୍ଟ ସେକ୍ଟର, ଇଣ୍ଡଷ୍ଟ୍ରିଆଲ ପାର୍କସ ଆଣ୍ଡ ମାଷ୍ଟର ପ୍ଲାନିଂ, ପୋର୍ଟସ ଆଣ୍ଡ ପାରାଦୀପ, ରିନ୍ୟୁଏବଲ ଏନର୍ଜୀ ସେକ୍ଟର, ସେମି କଣ୍ଟକ୍ ଟର ଏବଂ କଲଚର ଓ କନେକ୍ଟିଭିଟି ସଂପର୍କରେ ରାଷ୍ଟ୍ରପତି ଥର୍ମନ ଷଣମୁଗରତ୍ନମଙ୍କୁ ସୂଚନା ପ୍ରଦାନ କରାଯିବ। ଏହାପରେ ୮ଟି ଏମଓୟୁ ସ୍ୱାକ୍ଷର ହେବ ।

ସେମିକଣ୍ଡକ୍ଟର ଓ ସ୍କିଲିଂ ଫର ଫ୍ୟୁଚରକୁ ଓଡ଼ିଶା ସରକାରଙ୍କ ଦକ୍ଷତା ବିକାଶ ଓ ବୈଷୟିକ ଶିକ୍ଷା ବିଭାଗ ଓ ସିଙ୍ଗାପୁରର ITEES ମଧ୍ୟରେ MOU ହେବ। ଇଣ୍ଡଷ୍ଟ୍ରିଆଲ ପାର୍କ ପ୍ରତିଷ୍ଠା ନେଇ ଓଡ଼ିଶା ସରକାରଙ୍କ ଶିଳ୍ପ ବିଭାଗ ଓ ସିଙ୍ଗାପୁରରର ସେମ୍ବକୋର୍ପ କମ୍ପାନୀ ମଧ୍ୟରେ MOU ଏବଂ ଗ୍ରୀନ୍ ହାଇଡ୍ରୋଜେନ କରିଡର ନେଇ ଓଡ଼ିଶା ସରକାରଙ୍କ ଶିଳ୍ପ ବିଭାଗ ଓ ସିଙ୍ଗାପୁରରର ସୁର୍ବଣା ଜୁରୋଙ୍ଗ ମଧ୍ୟରେ MOU ହେବ।

ଓଡ଼ିଶା ସରକାରଙ୍କ ଗୃହ ଓ ନଗର ଉନ୍ନୟନ ବିଭାଗ ଓ ସୁର୍ବଣା ଜୁରୋଙ୍ଗ ମଧ୍ୟରେ ନ୍ୟୁ ସିଟି ପ୍ଲାନ ନେଇ ଏମଓୟୁ ଏବଂ ପେଟ୍ରୋଲିୟମ, କେମିକାଲ୍ସ ଏବଂ ପେଟ୍ରୋକେମିକାଲ୍ସ ଇନଭେଷ୍ଟମେଣ୍ଟ ରିଜିଓନ୍ ନେଇ ରାଜ୍ୟ ସରକାରଙ୍କ ଶିଳ୍ପ ବିଭାଗ ଓ ସୁର୍ବଣା ଜୁରୋଙ୍ଗ ମଧ୍ୟରେ MOU ହେବ ।

ନ୍ୟୁ ଏନର୍ଜୀ ନେଇ ରାଜ୍ୟ ସରକାରଙ୍କ ଶକ୍ତି ବିଭାଗ ଓ ନାନ୍ୟାଙ୍ଗ ବୈଷୟିକ ବିଶ୍ୱବିଦ୍ୟାଳୟ ଓ ଫାଇନାନସିଆଲ ଟେକ୍ନୋଲୋଜି ନେଇ ରାଜ୍ୟ ସରକାରଙ୍କ ଇଲେକ୍ଟ୍ରୋନିକ୍ସ ଏବଂ ସୂଚନା ଓ ପ୍ରଯୁକ୍ତିବିଦ୍ୟା ବିଭାଗ ଓ ନାନ୍ୟାଙ୍ଗ ବୈଷୟିକ ବିଶ୍ୱବିଦ୍ୟାଳୟ ମଧ୍ୟରେ MOU ହେବ ।

ପାଞ୍ଚଦିନିଆ ଗସ୍ତରେ ଭାରତ ଆସିଛନ୍ତି ସିଙ୍ଗାପୁର ରାଷ୍ଟ୍ରପତି । ମଙ୍ଗଳବାର ନୂଆଦିଲ୍ଲୀରେ ପହଞ୍ଚିବା ପରେ ସ୍ବାଗତ କରିଥିଲେ କେନ୍ଦ୍ର ରାଷ୍ଟ୍ରମନ୍ତ୍ରୀ ଜିତିନ ପ୍ରସାଦ। ଭାରତ- ସିଙ୍ଗାପୁର ମଧ୍ୟରେ କୁଟନୈତିକ ସଂପର୍କର ୬୦ ବର୍ଷ ପୂର୍ତ୍ତି କାର୍ଯ୍ୟକ୍ରମରେ ଯୋଗ ଦେବାକୁ ଆସିଛନ୍ତି ଥର୍ମନ ଷଣମୁଗରତ୍ନମ । ଏହି କ୍ରମରେ ସେ ଓଡ଼ିଶା ଆସୁଛନ୍ତି। ସିଙ୍ଗାପୁର ରାଷ୍ଟ୍ରପତିଙ୍କ ଗସ୍ତ ପାଇଁ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି। ରାଜଧାନୀରେ ହୋଇଛି କାରକେଡ ରିହରସଲ । କିଛି ସ୍ଥାନରେ ଟ୍ରାଫିକ କଟକଣା ଜାରି ହୋଇଛି ।