‘ପୁଷ୍ପା ୨: ଦ ରୁଲ୍’ର ଟ୍ରେଲର, ୨୪ ଘଣ୍ଟାରେ ୧୦୦ ମିଲିୟନ ଭ୍ୟୁ ପାର୍

ରିଲିଜର ପ୍ରଥମ ୨୪ ଘଣ୍ଟାରେ ‘ପୁଷ୍ପା ୨’ ଟ୍ରେଲର ବିଭିନ୍ନ ଭାଷାରେ ୧୦୨ ମିଲିୟନ ଭ୍ୟୁ ହାସଲ କରିଛି, ଯାହାକି ଏକ ରେକର୍ଡ । ଏହା ତୃତୀୟ ଭାରତୀୟ ଫିଲ୍ମ ଟ୍ରେଲର ଭାବେ ରେକର୍ଡ ହାସଲ କରିଛି । ପ୍ରଭାସଙ୍କ ‘ସଲାର’ ଓ ୟଶଙ୍କ ‘କେଜିଏଫ୍ ୨’ର ଟ୍ରେଲର ପ୍ରଥମ ୨୪ ଘଣ୍ଟାରେ କ୍ରମଶଃ ୧୧୩.୨ ମିଲିୟନ ଓ ୧୦୬.୫ ମିଲିୟନ ଭ୍ୟୁ ହାସଲ କରିଥିଲା ।ଫିଲ୍ମରେ ଅଲ୍ଲୁ ଅର୍ଜୁନ, ରଶ୍ମିକା ମନ୍ଦାନା ଓ ଫହଦ ଫାସିଲ ଅହମ ମୁଖ୍ୟ ଭୂମିକାରେ ଅଭିନୟ କରିଛନ୍ତି ।

‘ପୁଷ୍ପା ୨’ର ଟ୍ରେଲର ପ୍ରଥମରୁ ହିଁ ଅଲ୍ଲୁ ଅର୍ଜୁନଙ୍କ ଦମଦାର ଅଭିନୟ ଏବଂ ସୁକୁମାରଙ୍କର ଏକ ଭିନ୍ନ ପ୍ରକାର ନିର୍ଦ୍ଦେଶନାରେ ଦର୍ଶକଙ୍କୁ ମନ୍ତ୍ରମୁଗ୍ଧ କରିଦେଇଛି । ଚଳିତ ବର୍ଷ ଡିସେମ୍ବର ୫ରେ ବିଶ୍ୱ ସ୍ତରରେ ରିଲିଜ୍ ହେବାକୁ ଥିବା ଏହି ଫିଲ୍ମ ବକ୍ସ ଅଫିସର ରେକର୍ଡ ଭାଙ୍ଗିବାକୁ ପୂରାପୂରି ପ୍ରସ୍ତୁତ ହୋଇଛି । ଏହା ଏକ ନନ୍ ହଲିଡେ’ ରିଲିଜ୍ ହେବ । ଏହାର ଷ୍ଟାର୍ ପାୱାର, ଆକ୍ସନ ଏବଂ ମନୋରଞ୍ଜନଧର୍ମୀ କାହାଣୀ ଏହାକୁ ଭାରତୀୟ ସିନେମାର ସବୁଠୁ ବଡ଼ ଫିଲ୍ମ କରିବ ବୋଲି ନିର୍ମାତା ଆଶା ରଖିଛନ୍ତି ।