ନିର୍ବାଚନ ପୂର୍ବରୁ ସ୍ବାଧୀନ ପ୍ରାର୍ଥୀ ସୁରେଶ ସୋନବଣେଙ୍କ କାରକୁ ପଥର ମାଡ଼

ମହାରାଷ୍ଟ୍ର ନିର୍ବାଚନ ପାଖେଇ ଆସୁଥିବା ବେଳେ ସ୍ବାଧୀନ ପ୍ରାର୍ଥୀ ସୁରେଶ ସୋନବଣେଙ୍କ କାରକୁ ପଥର ମାଡ଼ ହୋଇଛି । ଫଳରେ ତାଙ୍କ ମୁଣ୍ଡରେ ସାମାନ୍ୟ ଆଘାତ ଲାଗିଛି । ପୋଲିସ ନିକଟରେ ଅଭିଯୋଗ ହେବା ପରେ ଦୋଷୀଙ୍କୁ ଧରିବା ପାଇଁ ପୋଲିସ ୩ଟି ଟିମ୍ ଗଠନ କରିଛି । ଘଟଣା ଗତକାଲି ସନ୍ଧ୍ୟା ୭.୩୦ ମିନିଟରେ ଘଟିଛି ।

ଖବର ମୁତାବକ, ଛତ୍ରପତି ସମ୍ଭାଜୀନଗରର ଗଙ୍ଗାପୁର ବିଧାନସଭା ଅଞ୍ଚଳରେ ସ୍ବାଧୀନ ପ୍ରାର୍ଥୀ ସୁରେଶ ସୋନବଣେଙ୍କ କାରକୁ ପଥରମାଡ଼ ହୋଇଥିଲା । ସନ୍ଧ୍ୟା ୭.୩୦ ମିନିଟରେ ବାଲୁଜ ଥାନା ଅନ୍ତର୍ଗତ ଲାଞ୍ଜି ଗାଁ ପାଖରେ ସୋନବଣେଙ୍କ କାରକୁ କିଛି ଅଜ୍ଞାତ ବ୍ୟକ୍ତି ପଥର ଫୋପାଡିଥିଲେ । ତାଙ୍କ ମୁଣ୍ଡରେ ଆଘାତ ଲାଗିଥିଲା । ତାଙ୍କୁ ତୁରନ୍ତ ହସପିଟାଲରେ ଭର୍ତ୍ତି କରାଯାଇଥିଲା ।