ଡନ୍ ୩ ରେ ନଜର ଆସିବେ ‘କବୀର ସିଂ’ ଅଭିନେତ୍ରୀ ଙ୍କ ସହିତ  ରଣବୀର ସିଂ

ଡନ୍ ୩ ରେ ନଜର ଆସିବେ ‘କବୀର ସିଂ’ ଅଭିନେତ୍ରୀ ଙ୍କ ସହିତ ରଣବୀର ସିଂ

ଫରହାନ ଅଖତରଙ୍କ ନୂଆ ଫିଲ୍ମ ‘ଡନ୍ ୩’କୁ ନେଇ ଏବେ ଚର୍ଚ୍ଚା ଆରମ୍ଭ ହୋଇଛି । ଏହି ଫିଲ୍ମର ପ୍ରି-ପ୍ରଡକ୍ସନ ଚଳିତବର୍ଷ ଆରମ୍ଭ ହେବ ବୋଲି ଫରହାନ କହିଛନ୍ତି । ଏହାସହିତ ଫିଲ୍ମର ହିରୋଇନ କିଏ ହେବେ, ତାହା ମଧ୍ୟ ଖୁଲାସା ହୋଇଛି । ଏହି ଫିଲ୍ମରେ ରଣବୀର ସିଂଙ୍କ ସହିତ କବୀର ସିଂ ଅଭିନେତ୍ରୀ କିଆରା ଆଡଭାନୀ ପ୍ରମୁଖ ଭୂମିକାରେ ନଜର ଆସିବେ ।

ପୂର୍ବରୁ ଡନ୍ ପ୍ରାଞ୍ଚାଇଜର ଦୁଇଟି ଯାକ ଫିଲ୍ମ ସୁପରହିଟ୍ ହୋଇଛି । ପୂର୍ବ ଦୁଇଟି ଯାକ ଫିଲ୍ମରେ ଶାହରୁଖ ଖାନ୍ ମୁଖ୍ୟ ଭୂମିକାରେ ନଜର ଆସିଥିଲେ । କିନ୍ତୁ ଏଥର ଡନ-୩ରେ ରଣବୀର ସିଂ ପ୍ରମୁଖ ଭୂମିକାରେ ନଜର ଆସିବେ । ରଣବୀରଙ୍କ ସହିତ ପ୍ରମୁଖ ଭୂମିକାରେ କିଆରା ଆଡଭାନୀ ନଜର ଆସିବେ । ଫରହାନ ଏକ ଇଣ୍ଟରଭ୍ୟୁରେ କହିଛନ୍ତି, ରଣବୀର ସିଂ ଅଭିନୀତ ଡନ୍୩ କୁ ନେଇ ଏବେ କାମ ଚାଲିଛି । ଫିଲ୍ମରେ କାହାଣୀ ଆକ୍ସନରେ ଭରପୂର ରହିଛି । ତେବେ ଏହି ଫିଲ୍ମରେ ବିକ୍ରାନ୍ତ ମେସିଙ୍କୁ ଦେଖିବାକୁ ମିଳିପାରେ ବୋଲି ଖବର ମିଳିଛି ।

ତେବେ ପୂର୍ବରୁ ଚର୍ଚ୍ଚା ଚାଲିଥିଲା କି, ଡନ୍-୩ ଫିଲ୍ମ ବନ୍ଦ ହୋଇଯାଇଛି । ଆଉ ଫିଲ୍ମ ରିଲିଜ ହେବ ନାହିଁ । ହେଲେ ଫିଲ୍ମ ରିଲିଜ ହେବ , ତାହା ଏବେ ଫରହାନଙ୍କ ଇଣ୍ଟରଭ୍ୟୁରୁ ସ୍ପଷ୍ଟ ହୋଇଛି । ଫିଲ୍ମର ନିର୍ମାଣ ପୂର୍ବରୁ ୨୦୨୪ ଅଗଷ୍ଟ କିମ୍ବା ସେପ୍ଟମ୍ବରରୁ ଆରମ୍ଭ ହୋଇଥାନ୍ତା କିନ୍ତୁ ବିଳମ୍ବ ହେବା ଯୋଗୁଁ ଏହା ଆଗକୁ ନିର୍ମାଣ ହେବ ବୋଲି ଅନୁମାନ କରାଯାଉଛି ।

Related post

Leave a Reply

Your email address will not be published. Required fields are marked *