ଆଜିଠୁ ଅଷ୍ଟ୍ରେଲିଆରେ ବର୍ଡର ଗାଭାସ୍କର ଟ୍ରଫି ମୁହାଁମୁହିଁ ହେବେ ଭାରତ-ଅଷ୍ଟ୍ରେଲିଆ ।

ପର୍ଥରେ ଖେଳାଯିବ ୫ଟିକିଆ ଟେଷ୍ଟ ସିରିଜର ପ୍ରଥମ ମ୍ୟାଚ୍ । କ୍ୟାପଟେନ୍ ରୋହିତ ଶର୍ମା, ଓପନର ଶୁବମନ ଗିଲ ଓ ମହମ୍ମଦ ସାମିଙ୍କ ଅନୁପସ୍ଥିତିରେ ମଇଦାନକୁ ଓହ୍ଲାଇବାକୁ ପ୍ରସ୍ତୁତ ଭାରତୀୟ ଦଳ । ଦ୍ରୁତ ବୋଲର୍ ତଥା ଉପ ଅଧିନାୟକ ଯଶପ୍ରୀତ ବୁମରାଙ୍କ ହାତରେ ଦଳର କମାଣ । ରୋହିତ ଶର୍ମାଙ୍କ ସ୍ଥାନରେ ଓପନିଂ କରିବେ କେଏଲ ରାହୁଲ । ତାଙ୍କୁ ସାଥ ଦେଇପାରନ୍ତି ଯଶସ୍ବୀ ଜୟିସ୍ବାଲ ।

ସ୍ପିନ ବୋଲିଂରେ ରବୀନ୍ଦ୍ର ଜାଡେଜା , ଆର ଅଶ୍ବିନ ମୋର୍ଚା ସମ୍ଭାଳିପାରନ୍ତି । ପେସ୍ ବୋଲିଂ ଆଟାକରେ ଅଧିନାୟକ ବୁମରାହଙ୍କ ସହିତ ହର୍ଷିତ ରାଣା ଓ ମହମ୍ମଦ ସିରାଜଙ୍କୁ କମାଣ ସମ୍ଭାଳିବାର ଦାୟିତ୍ବ ମିଳିପାରେ । ସର୍ଫରାଜଙ୍କ ସ୍ଥାନରେ ଖେଳିପାରନ୍ତି ଧ୍ରୁବ ଜୁରେଲ୍ । ସେହିଭଳି ନୀତିଶ ରେଡଡୀ ଓ ହର୍ଷିତ ରାଣାଙ୍କ ଭିତରୁ କେହି ଜଣେ ଖେଳିପାରନ୍ତି ।

ବର୍ଡର ଗାଭାସ୍କର ଟ୍ରଫି ପାଇଁ ଭାରତୀୟ ଦଳ ବହୁତ ଭଲ ଫର୍ମରେ ଅଛି । ଆମର ପ୍ରସ୍ତୁତି ମଧ୍ୟ ଜବରଦସ୍ତ ରହିଛି ବୋଲି କହିଛନ୍ତି ବୁମରା । ଶେଷ ଥର ପାଇଁ ୨୦୧୪-୧୫ରେ ଅଷ୍ଟ୍ରେଲିଆ ବର୍ଡର ଗାଭାସ୍କର ଟ୍ରଫି ଜିତିଥିଲା । ଏହା ପରଠାରୁ ଟ୍ରଫି ଭାରତ କବଜାରେ ।

..ଏପଟେ ଘରୋଇ ଦଳକୁ ୪ଟି ମ୍ୟାଚରେ ହରାଇ ବିଶ୍ବ ଟେଷ୍ଟ ଚାମ୍ପିଅନସିପ ଫାଇନାଲରେ ଜାଗା କରିବାକୁ ଜି ଜାନ୍ ଲଗାଇବ ବୁମରା ଆଣ୍ଡ କୋ । ପର୍ଥ ମାଟିରେ ୨୦୧୮ରୁ ୨୦୨୩ ଭିତରେ ୪ଟି ଟେଷ୍ଟ ମ୍ୟାଚ୍ ଖେଳାଯାଇଛି । ଯେଉଁଠି ପ୍ରଥମେ ଟେଷ୍ଟ ଜିତି ବ୍ୟାଟିଂ କରିଥିବା ଦଳ ବିଜୟୀ ହୋଇଛନ୍ତି ।